اكتشف الجديد دخول
والسوالف من ولد عاشق بنيه

.................................

غيمة العارض نشت ياطيب فالي

اقبلت وياك ياخلي عليه

من جنوب طويق الى ارض الشمالي

والسوالف من ولد عاشق بنيه

......

القصيده بالهجيني هملالي

و ياهلا بك في طروق السامريه

والله اني من قديم الوقت سالي

لين هبت نسمة الحب النديه

.........

لاتحسب اني نسيتك ياحلالي

حرك الجمره وتلقى النار حيه

لاذكرت ايامنا وذيك الليالي

هلت الدمعه تقل طق ابرديه

..........

ان ضحكنا صارت الدنيا تلالي

وان سكتنا صاحت جروح البريه

مايعيش اللي يبيع الحب تالي

ومايعيش اللي يقفي عن خويه