اكتشف الجديد دخول
احمد قعبور
اضف
تحميل
744
47
شو بعاد.. بعاد

متل تنين,

متل كفين ع مفرق

بيلّوحوا

متل السفينة

قبل ما تغرق,

شو بعاد .. بعاد

متل عينين ما بيلتقوا إلا بالمراية

وبيناتنا في قزاز

وفي زمن هزاز,

صورة ع صورة بتمحيها

وورق الهوى عم يرميها

عم يرميها

عم يرميها...

شو بعاد.. بعاد

وبيناتنا شوية حكي

- كيفك؟

- منيحة

- لوين؟

- للقهوة

- شو بتشربي؟

- قهوة!

بعدين بيخاف الحكي

يحكي قصص تابت حكي

بيخاف آخرة القصص توقع مدينة

ويغلط الشاطر حسن

ويصير يسمع

ويصير يسمع ضحكتك

متل البكي

متل البكي

شو بعاد

وبيناتنا

في بلاد عم تحترق

وولاد رح يسألونا.. كيف؟

وما منلتقى

إلا متل كفين

ع طاولة ورغيف,

شو بعاد متل تنين

متل رجالين

بعاد.. بعاد