الله لايحرمني منك .. ياعسى عمرك طويل

ياللي كل الناس عندي مايساويها غلاك

والله لو اعطيك عمري كله ما يوفي الجميل

لو ابوفي ما اقدر اوفي .. ياكثر والله عطاك

يكفي لاجيتك تهلي.. تبكي لاجيتك عليل

وتتضايق من همومي والحزن من همي جاك

يكفي متحمل قساتي والصبر اكبر دليل

صابر وساكت حياتي ومالي عيوني بوفاك

ادري والله ياحبيبي وقتي لك دايم قليل

حيل انا مقصر ولكن قلبي لحظة مانساك

شنهي الدنيا بدونك .. وبالبشر مالك مثيل

الله لايحرمني منك لا ولايكتب جفاك