ريتك لي يا أملي

كانت لي بطاقة و زاد

ضي الحب في قلبي

زي الشمعة كان وقاد

و زي ما الدنيا كدة بتدور

زي ما النار بتبقى رماد

اتفرقنا للمجهول

فجأة بقينا نحنا بعاد

كم شهدنا نجم الليل

على جرح الهوى النازف

دائماً ضامي أيدك لي

على وتر الزمن عازف

مشيت خليتني زي الفات

حزين الضحكة و الغنوات

أسر من غيوم غاشيات

لصباح حل و فات

بلقاك يا بعيد أرتاح

من الهم البعيد مجدول

و أحس بجية الأيام

أمل متخبئ في المجهول

و أقول يا حزن مهما تطول

مهما يطول عليا الحول

أكون راجيك في الأيام

صباح حاشاهو تاني يزول