استكشف
دخول
بختك كده يا جدع

حظك مهوش مديك

كلك رجولة وجدعنه

والدنيا جاية عليك

والحظ عاجز النظر

على الاصيل يبخل

ويخلي عديم النظر

من البخيل ابخل

الواطي بيعليه

والعالي بيوطيه

ومهما تحاول فيه

عمره ما فيك يسأل

اصيل وقلبك طيب

وعمرك ما تتعيب

قلبك تملي حنين

واللي معاك مش ليك

فوق السحاب طاير

وسط 100 مخلاب

رفرفت بيك ناجت

على جسر له انياب

مسكك بمخلابه

جرحك بأنيابه

ورماك لصحابه

مرحمش دمع عينيك