فيه ناس بالمال بتستقوي

وتتحكم في خلق الله

لا تعرف دين ولا تقوي

ولا ترحم عباد الله

بيعلا صوتها من خوفنا

ليل ونهار تخوفنا

وتفرح لما بتشوفنا

بنصرخ من الالم والاه

ده حلم رويته بدموعي

بنيته بدمي وبجوعي

وساكن قلبي وضلوعي

ولا يمكن في يوم هانساه

يا ظالم مهما تجرحني و

غدر الظلم يدبحني

لا انا عمري هاعيش محني

ولا هاركع لغير الله

واه من حرقة المظلوم

ونار قلب اللي عاش محروم

يا ظالم بكرة جاي لك يوم

هنتقابل امام الله