اكتشف الجديد دخول
فهد العمري
اضف
تحميل
17
3


طلبتك لاتسيء الظن ولوتدري قبل ساعات

من اللهفه تباطيته وعَدْك وجيتله بدري

وهاذاني رجعت لموعدك ثاني وهو قد فات

بعد مارحت انا ادوّر عليك وهذا هو عذري

امانه دامني وايّاك عدّيها ولم شتات

خفوقٍ فاض به شوقه ولا نافع معه صبري

امانه فكّني بالله شر الشّك واللّاآت

مدامك بس في بالي في بالك غيري لايطري

انا مابي من الدنيا سواك انته ترا بالذات

عسى قلبك على قلبي مثل ما هو على خبري

حبيبي والعمر كله على بعضه يمر لحظات

وينقص في غيابك يا حبيبي شي من عمري

جمعني فيك انا موعد هقيت انه علي قد فات

وعرفت برجعتِيلك ياحبيبي قدرك وقدري

لاجل شوفك انا جيتك وقلبي يسبق الخطوات

وتسألني حبيبي كيف انا نفسي ترى مدري !