مثل فجر العيد انتِ..لكن انتِ كل يوم

لج حضور يملى هالعالم أحاسيس وأمل

تفرح عيوني ياروضة والهنا حولي يحوم

كنه وجهك يوم أشوفك عيد و إحساسي طفل

تدخلين القلب مثل الفرحة من بعد الهموم

ياللي وصفج يثبت ان الزين ممكن يكتمل

إن خذاني الوقت عنج وابتدا قلبج يلوم

اعرف انج انتِ اختي ومايفرقنا الزعل

عالية ودايم تجين في بالي لا شفت النجوم

كيف لا وانتِ بعددها لج في وسط قلبي محل

والقمر كل ما توارى مستحي بين الغيوم

قلت سبحان اللي جمل حسنكم نور وخجل

هذي انتِ وتبقى عندي كلمة يا بنت القروم

غير انج غالية وانج على قلبي عسل

أن موزة يابعد إحساسها دايم ودوم

لا ابتسمتِ قلبها لجلج يطير ويحتفل