اكتشف الجديدالفنانين
دخول
محبوس في دايرة من الأوهام واليأس.. بحاول اتحرك كل يوم مش عارف لابأٍس.

يمكن لما الناس تتعرف على احزاني..تفهم ,تقدر تصرفاتي,افعالي وجناني.

لا بقا كفاية كفاية كفاية تبرير... كفاية كفاية محاولات بأسة للتغيير.

خلاص مش هسكت هتكلم بدعوكم للسماع.. هختم كلامي في النهاية بكلمة الوداع.

قررت اسيب حياتكم واسيبلكم المسرحية... أفرحوا بالأضواء والتمثيل و النجومية.

وهمية الدنيا اللي كلنا عايشين فيها.. عارفين والغريب بأسنانكوا متبتين فيها.

انا عارف ان انا مش اول واحد يتعرض لضغوط.. ولاحتي اخر واحد ياخد حياته بايده ويموت.

مش كفاية طول اليوم نظرتكم ليا.. بتجوني في فكري, قبل نومي وف احلامي اليومية.

اسألتكم بتنعش عقلي زي الضباع بتحوم.. وازاي اللوم في ضبع كنت بأمره بالصوم.

ف لو سألتوا هرد بأي كلام واضحك عليكوا.. بزعل لما تصدقوا الكذبة وتكذبوا عنيكوا.

يمكن بتصدقوني علشان ده اسهل على ضميركم..

بتسالوني مالك؟-انتم كتير وغيركم- ..

بس عمر ماحد فيكم اهتم يسمع الاجابة..

ولو فتحت قلبي ليكم هتقولولي بلاش كأبة.

فسيبوني اروح لعالم تاني اجمل من عالمكم.

اكون في وسط عالم اعلم بحالي منكم.

الوداع للقوم الكاذبين,المدعين "لا تصتنعوا اهتمامكم كلكم مكشوفين".

"مش وحيد بس وحدي..وسط المي ومحنتي"

"نفسي ايد واقوم لوحدي.. تبقوا سندي وقوتي"

"مش وحيد بس وحدي..وسط المي ومحنتي"

"نفسي اييد واقم واحكي.. تبقوا سندي وقوتي"

الوداع للقوم الكاذبين,المدعين "لا تصتنعوا اهتمامكم كلكم مكشوفين".

الكلام لمين؟لكل المستمعين.

وعلي لسان مين؟ مراهقين بكرا يبقوا كبار ..قلوب صغيرة بتعاني سرعة الاحتضار.

ضغوط الاهل والمجتمع اثرت عليهم.. زرعت ليهم مشاكل ابدا ماكانت ليهم.

من تهميش صوتهم ودورهم في مستقبلهم من اهلهم.. معانتهم لو اختلفوا عن مجتمعهم في فكرهم.

ازاي بتلوم في شب انت السبب في تكوينه.. بتستنكر وجوده بتزل فيه وتهينه.

أفعالك في الأساس هي اصلا سبب المرض..

لو مش عاجبك تربيته المفروض انت اللي تتحرج..

حرج ومرج جوا عقل الشب اللي اتدرج..

تحت تصنيف مكتئب عايش بأحلام بالفرج ..

"الاكتئاب" ده مرض مش حالة ولا مود..واصل لربع شبابانا بالارقام والشهود..

خمسة وعشرين في المية من الشباب مكتئبين..بيعانوا امراض نفسية وعن الحياة معزولين..

ستة فالمية منهم بيفكروا في الانتحار..وارجع لكتاب "اكتئاب المراهقين والاطفال"..

فمتربوش ولادكم على الأوامر والتهزيق..متفسروش ما ضايقكم بألكبت والتضييق..

"العنف" مش بس عنف مد اللسان والايد.."العنف" كسر النفس وتحويلهم عبيد ..

فلو انت نفسك لسة مش متصالح مع نفسك متجبش..(قصده متجبش عيال)

في الدنيا طفل بامراضك ونفسك اعرف, وافهم ان البنين زينة, فتنة زي المال..

فلي معهش فلوس بقا بيكدس في العيال..

اللي غرقوا بمشاكل منشئها البيوت..

انا مش جاحد بفضل اهلي ولا بدعوكم للعقوق..

انا بوصل حقيقة مجتمعنا مجتمع املي واملهم انه يسمعنا.

"مش وحيد بس وحدي..وسط المي ومجنتي"

"نفسي ايد واقوم لوحدي.. تبقوا سندي وقوتي"

"مش وحيد بس وحدي.. وسط المي ومحنتي"

"نفسي اييد واقم واحكي.. تبقوا سندي وقوتي"