من هواني هويته ومن نساني نسيت

الجفا بالتجافي والوصل بالوصال

ومن رخصني رخصته ومن فداني فديت

بس محال اني القى مثل حبك محال

وحدك يسوق قلبي فيه بعت وشريت

ومااحد زاد عنك في البها والدلال

كل شيئ مارضيته منك والله رضيت

وذقت انا المر منك ياحبي زلال

صعب تلقى بدالي عني لو رحت وجيت

البدر مايبدل طلته بالهلال

مايفيد الاماني دوم كلمة ياليت

مثل من كان يبني غايته على الرمال

كاس حبك شربته ولا منه اتوب

كل ماغبت عني قال حبك تعال

عزت النفس دايم غايتي من حبيت

عمري ما ارخصت قلبي مهما في الحب مال