حي اتصال لفاني ياللي يريح البال

جميل والله وصوت المتصل اجمل

سلم عليه ورد وقال جيف الحال

قلت له هلا ومرحبا مليوون وتفضل



قال الصراحه الصراحه دوم عنك اسال

دقيت ع هاتفك لقيته محول

قلت له مسافر سياحه من شهر شوال

لفيت كل الدول شهرين اتجول



قال المهم بسألك الحين شو الاحول

تسأل علينا الصراحه والا ما تسأل

قلت له انا ما بجامل انت لي ع البال

المفروض تعرف جوابي والذي يحصل



قال الموده خطيره سيفها جتال

خايف تقول المثل الاول تحول

قلت له من محال انسى وسابع الامحال

مهما جرى لي وجرى لك صعب انا اتبدل



قالي عليك الحفظ بالحل والترحال

وين ساير عساك موفق وتوصل

قلت له السموحه اذا قصرت بالامثال

عسى عسى نلتقي في شهرنا المقبل