اكتشف الجديد دخول
يسري شريف
تحميل
1744
159
حبيت يا ليل و حبيبي القديم باعنى

لبس هدومه الجديده و جالى البيت يودعنى

بكى و بل المحارم قولت له هو البكا صنعتك ولا الدلع يعنى

قالت لى لا البكا صنعتى ولا انت جيت فى يوم يا يسرى تدلعنى

اسمع معايا حكايه حب حقيقيه يا عاشق الحواديت

بدايه الحكايه بتقول .... الزمان 1996

المكان كليه التربيه الموسيقيه جامعه حلوان

شارع اسماعيل محمد ناصيه شجرة الدر فى الزمالك

كنت اعد فى بدايه العام الدراسى مستنى بنات الدفعه الجديده علشان اختار منهم بنت ارتبط بيها و تبقى الجيرل فرند بتاعتى

دخلت بنت جميله اسمها هديل الشعر الطويل اسود سواد الليل جمالها مايتوصف ولا فى الحواديت

العبد لله لما يعد يغنى من الصغير للكبير من الطلبه يحبوا يعدوا يسمعوه

جت هديل و اتعرفت عليا و اتعرفت عليها

بليل اعد اغنى للعرب و الهاى سوسايتى

اكسب فلوس كتيرة و اصحى الصبح اضيعهم مع هديل فى اكبر الاماكن

عدينا على الموضوع ده سنه و جت السنه التانيه

بسأل عليها قالوا لى هديل حولت لحقوق عين شمس

قولت يا واد يا يسرى لا حيله للرزق ولا شفاعه فى الموت

خليك فى مستقبلك و شريطك اللى بتحلم بيه

عدى شهر رمضان اللى قبل قبل اللى فات

و اعد بغنى فى مطعم من المطاعم الكبيرة

الاقى هديل داخله عليا المطعم و معاها راجل كبير عجوز لابس بدله سمكوين

كنت فاكره ابوها اعد و طلب لنفسه درينك و طلب ليها درينك قولت ممكن فعلا يكون ابوها

دقيقه واحده و ايده حضنت ايديها عرفت انه مش ابوها

عدى يوم و جت التانى و عدى التانى و جت التالت

اخر ما زهقت منها قولت لها وحياه الليل اللى سهرته و هواكى اللى انا عمرى ما خنته هتشوفى الويل

و قد كان سيبت مكانى و روحت غنيت فى مكان تانى فى اخر مدينه نصر

ابتديت اتعرف و عرفت هديل انى ابتديت اتعرف

قالت لصحابها صالحونى عليه

اعد بغنى فى مكان تانى و فى زمان تانى تتوقعوا ابص ورايا الاقى مين

الاقى هديل جيالى مع واحد تانى و فى زمان تانى و فى مكان تانى

شافتنى اكنها شافت ابوها قالتله يا ميزو مش عايزة اعد جمب المزيكا

اعدت بعيد عنى وانا بغنى شوية وميزو ساحب هديل وبيلعبوا بلياردوا وبتبصلى وتضحك

قمت قولتلها قولتلها يا طير ياللى انا حبيتك وماترمش فيك حرام عليك

لقيتها عيطت وقالتله يا ميزو اطلب الحساب وانا مستنياك برة فى عربية مامتك خدت العود ومشيت وراها هى وميزو قولتلهم ايه حرام حرام حرام حرام حرام