مشغوب منك ومشغلني

يالسولعي يامريش العين

ماحد أنا غيرك فتني

يا الخود يا سيد المزايين

نظرات عينك صوبني

بلحاظهن واصطبت في الحين

وازمت من مابي اغني

متولع بك فكري محين

حزت الحسن من كل فني

ياكامل في الوصف والزين

غض غضيض صغير سني

تكبر وكلما تكبر اتزين

ما خلق في الغيد التمني

مثلك ولا قد خلق في العين

لك يا دل كالليل يجني

طايح على الردفين رضفين

والجيد بطياب إيبني

والصدر به رمان وتين

والعود من شافه إيظني

إمن الخصر مجسوم نصفين