صارحنا بعض بعيوبنا

بأسلوب للأسف كان فج

ومن يومها السكات أطول

بقينا انا وانتى جبلين تلج

لا من عين الجميع غيران

ولا حاسس بنار الشك

لا انا زعلان ولا مبسوط

ولا راضى ولا بحتج

خلاص

لغز البرود اتحل

مابينا البعد أفضل حل

عشان

إحساسى بوجودِك

بقاله كتير لا زاد ولا قل

أنا

فى بعدك بكون أسعد

عاندتينى وانا الأعند

بقيت

مضطر اكون جنبك

لكنى من النجوم أبعد

فى دوامة ملل عايشين

بنغرق فيها وبنتشد

فى بحر غرام هدى موجه

وأصبح جذره زى المد

بنينا قصر ع الرملة

فى أول هزة ليه اتهد

عشان غاب الدفا بيننا

وفجأة محله حل البرد ...