متقولش هفتح عَكة هفتح فى شغل جديد لأرض كوم الدكة وارض نادى الصيد

السقفة ع الدبة تلقى النيران هَبه كفتنا يلا طبه و القلب فينا شديد

صباحية صافية و الشمس دافية والخلق ع الارزاق ساعية

ناس داخلة قافية ناس عايشة عافية ناس بالجراح دايما تعيا

ناس حامدة شاكرة للخير مذاكرة و لربها دى ساجدة وداعية

هى الفلوس مين يعرفها الا اللى عايش يصرفها

اما اللى جابها وكان شقيان من بوق الحوت بيخطفها

ميضيعاش ده بيها عرقان وشاف والهموم لاجل يشوفها

كِنوا لرجوعنا وخافوا متقدروش تتعافوا

تلميذنا بيقلدنا من خيرنا لحم اكتافه

عشان رجعنا لبيتنا فى سريره شد لحافه

بعد الرجوع ممنوع ناس غيرنا يتشافوا

معارك بنخش نعارك ضربتنا تكون فى السالك

لو نادى الصيد هتشارك الحرب هتبقى مصيبة

نضرب ضربات متتالية تطلع م التبة العالية

كوم الدكة هتبعت آلية وتبعت وياها الف كتيبة

فى البر معانا قناصة فى البحر معانا غواصة وذخيرة ميت الف رصاصة يادخيلة في دكنك غريبة

قلبنا ميت من أصله والخوف اصلا مش واصله احنا نعاركوا العريكة والجن فى جحره نحاصره

اعملوا اعمال مسحورة واكتبوا جواها أسامينا

اغانينا تفضل مشهورة اعدائنا تعيش تحتينا

يا دخيلة ده انتى الاسطورة خمسة عليكى خمسة علينا

أنا هحكى عن واحد وشريكه حِسوا الحكاية الله يخليكوا

واتحطوا مكان المظلوم وشوفوا ايه اللى هيرضيكوا

اصحاب وما بينها تجارة فى السوق كانوم اعلام

واحد ومراته جبارة والتانى عازب ملهوش مدام

بس العازب كان قمور لكن ميحبش الحرام

المَرَة بتلاغي بعنيها والتانى ولا عبر فيها

كل أما بتيجى تسلم ما يحطش ايده فى ايدها

وقاعد فى البيت متبلم عتبة صاحبه ما بيخطيها

تلفونه رن وراح رادد وسمع صرخه وزادت خوفه

بتقول صاحبك عيان وازاى متجيش و تشوفه

على بيت صاحبه وراح رايح ولقاها بتتزينله

قالها فين صاحبى الراقد انا جاى هنا اسأل عنه

قالت بيجيب طلبات انساه بقى و سيبك منه

قالها اه ياواطية يا خيانة يا الى طاوعتى الشيطان و زنه

عرض صاحبى انا عمرى ما اخونه ومش هبيعه فى يوم ولا اجِنه

راح ماشى طوالى وسايبها قال صاحبى خلاص هبعد عنه

جيه جوزها تانى قالتله بعانى صاحبك ده جانى ع الشر جانى وانا على الخيانة مبقتش قادرة

نزل المحل لقى صاحبه قَل لا جه ولا طل قال ايه الحل يبقى الخيانة كانت منه صادرة

جمع حبايبه جمع نسايبه قام راح وجايبه وقال نتحاسب

غماله عينه حطه فى كمينه وقرايبه كانوا مستنينه ياعم فى الوقت المناسب

ع المظلوم الضرب بالشوم يقع يا ناس كل اما يقوم

يصرخ يقول والله شريف صونت العرض ومعاليش لوم

اعتقونى لوجه الله ومش هتشوفوا وشى من اليوم

صاحبه اللى ظلمه و آخد فلوسه صدق مراته يابا وكدبتها

الدنيا طحنت فيه و بتدوسه وفلوسه قلت بركتها

قالتله طلقنى بالتلاته اول ما المال قَل فى ايدها

ادى اللى بيصدق على صاحبه كلمة الواحدة لخاينة قالتها

والتونى هيذيع ويغنى الناس تعلّى صقفتها

بلا دنيا بلا اوهام دى متستاهلش كلام

والله لو ننساها هتروقلنا الايام

الدنيا دى ولا حاجة ولا خدنا منها حاجة

كَبرنا وحش وداسنا والوحش اسمه الحاجة

والله ده احنا من الالام ومن اللى فينا

ومن اللى شايلينه فى قلوبنا وزاد علينا

نصعب على اللى ما عنده قلب ومات ضميره

لو شاف عذابنا وحزننا ودموع عينينا

‫اسلام عويضة‬ الشبح وكوم الدكة حروب دولية

والجوكر ‫‏ابراهيم مايو‬ مسا على جوكر اسكندرية

بصمتنا بصمة واللحن رسمه والفيلو شبح الكون كله

و ‫‏الامبراطور‬ ده متور بيطلع فى كلام واتشلوا

والتونى نجم الموال وم الدخيلة ب الفن نهِلوا

الشبح اسلام عويضة ده نزاهة مش أي نزاهة

اسلام عويضة يا شياكة يا رجولة عمري منساها

‫نادي الصيد‬ و البراكين الناس ف جحور كانين

‏الجوكر‬ ابراهيم مايو ده محبوب الملايين

اصحي لينا يا دنيا فوقي هنفجر ب الديناميت

الجنتلة واحد بس هو ‫‏الجنتل عمر عبيد‬

نادي الصيد مش ف الوينج ده دفاع يا دنيا و هجوم

‫سيد سنان‬ الكينج لما ييجي الكل يقوم

‫‏العلواية‬ قاسية شديدة و الدنيا بحالها تهيبها

و رجولة ‏عمرو لبانيتا‬ أول صفحة من كتابها

رجالة عمرنا ما نقِل يفضل حِملنا أتقل حِمل

صحبت ‫جورج‬ و ‏مينا‬ كشريل أجدع ناس ‫محطة الرمل‬

تعادينا هتلاقي عذاب تيجي ع السكة هتتنفض

الباشا ‫‏حسام خطاب‬ مسا جاي باسم ‫‏ابو مهند‬

نادي الصيد صحبة و يافته و مفيش منها ع القارة

السيطرة ده ‫‏حسام كفته‬ و السيط يابا سمع برة

المسا من اسلام عويضة و ‫‏الدخلاوية‬ جت ف السليم

تبعت مسا لفارس العلواية ‫‏الفارس حمادة عبد الكريم‬

العلواية ضربة و مرعبة و الدنيا بحالها متشيبة

حدود خطر اوعى تعديها هِنا الكومندا ‫‏حمو كهرباء‬

الدنيا دي فاهمة و قارية ان احنا ملوك في قصور

بب الجيهة ‫‏ميدو كابوريا‬ بشياكته يا ناس مشهور

رجالة معملناش قِلة عصرنا موجود مش وَلى

هنقول مسا لأفندينا ‫‏حمو سعيد سعد الله‬

نادي الصيد الموسوعة ‏عاطف الروش‬ الدلوعة

ع البوابة عندنا مدفع الجارح ده ‫‏حمو بعبع‬

عزبة التيرو للأعداء قبر و الببات ‫ولاد حسن جبر‬

قول ع الدلوعة الصغير ‫‏محمد حسن‬ حلاوتة تحير

الاسطورة متجيش جنبه م العجمي يابا ‫احمدالصامبو‬

نادي الصيد وسع ياسطى ده زعيمنا بقى ‫كريم كوستا‬

ده ‫‏جمال شعشع‬ واحد بس و جمال شعشع ده البيج بوص

ويا دنيا استحملي ضربي ده البب ‫‏ابو موندي العربي‬

النار من أرضنا هبه العمدة ‏حمادة الكمبا‬

الضربة بموته أكيد م الفارس حمو عويضة

و المسا ع الناس و الدنيا غنوتنا دي طالعة شديدة