اربع حروف انا بعشقهم لما حبيبى بينطقهم
بسرح واحس برقتهم وابدا اقول وياه
واما حبيبى بيحضنى بتمنى يفضل كده جنبى
ده حبيبى هو اللى فاضلى بعشق عيونه وادوب فى هواه
كل حاجة فيه غريبة جوه قلبه حنان وطيبه
مش بشوفهم فى الحقيقة عند حد تانى
ده حبيبى وروحى انا ثانية جمبه بمليون سنة
نفسى يفضل جمبى انا ويحس بحنانى
وياه بعيش احلى حكاية ومفيش حبيبى غيره جوايا
ازاى هحب وانا معايا اجمل ملاك فى الكون
لو بس فكرت اخاصمه قلبى يرددلى فى اسمه
ويقولى لازم ارجعله وكمان فى نفس اليوم
كل حاجة فيه غريبة جوه قلبه حنان وطيبه
مش بشوفهم فى الحقيقة عند حد تانى
ده حبيبى وروحى انا ثانية جمبه بمليون سنة
نفسى يفضل جمبى انا ويحس بحنانى
