بشوفك ساعةٍ وحده وأسافر وأترك الدَّيره

وأقول آسف حَبيب العُمر بنِلقى موعدٍ ثاني

أنا أرجوك لاتزعل حبيبي وأترك الحيره

يجي يومٍ بلا موعِد بصدفه كود تلقاني

يضيع اليوم موعِدنا ونِلقى موعدٍ غيره

وأشوفك رغم كلِّ الِّلي نخافه والعُمر فاني

حبيبي كثر ما أحبَّك بربَّك تترك الغيره

مادام إنك في قلبي غير فأصبر لو على شاني

يتعِّبنا الهَوى دايم وتتعِبنا مِشاويره

ويجيك من الهَوى ظُلمٍ كثيرٍ كثر ماجاني

حبيبي باكر بتفرج حبيبي علَّها خيره

حبيبي للوفا بذكرك ولى من خنت فإنساني

ترى ما لِلفراق أسباب ترى ما لِلهوى ديره

ولكن غابت عيونك بربك كيف تلقاني