اكتشف الجديد دخول


اسامر القمراء مع الجدي وسهيل

وانثر على القرطاس ماجر حبري

واسهر مع ليلي وياطوله الليل

ثلثين راحت منه واقول بدري

واللي نثر همه على باحة النيل

ماهو مثل حالي من الهم مبري

اجامل اشواقي ودمعاتي تسيل

واللي نزل منها تلقاه صدري

ياملهمتني للشعر والمواويل

ويشله بيدينك تحفرين قبري

عودي علي دام المحبه تساهيل

مشتاقلك والشوق يابنت عذري

ويلي على شوفت محياك ياويل

ويامل كبدي كل ماطال صبري

فديت انا ذيك العيون المكاحيل

اللي تجاذبها . بنيات فكري

سحرك يراودني على القاف واميل

وزينك محط انظار يابنت شعري

لاجيت ابا اوصف مزاياك واشيل

يردني عهدن قطعناه. بدري

حبك سكن فالقلب يافتنة الجيل

الله جعل حبك من احداث قدري

واليوم ياوينك تخاطفني الليل

ماغير الوم الطرس ويجر حبري

عودي علي دام المحبه تساهيل

مشتاقلك والشوق يابنت عذري