ماني مجازيك في صدك وهجرانك

ودعتك الله وتلقى واحد ثاني

اتعبت الاعيان والاقدام من شانك

وانته ولا شي سويته على شاني

فزيتلك يوم قلت اسمك وعنوانك

لو كان ماتنتمي لاسمي وعنواني

ماجيت ادورك والا اطق بيبانك

والا اترجاك مثل فلان وفلاني

انت الذي جيتني واعلنت بلسانك

انك على شوفتي جايع وعطشاني

وصدقت هرجك ومنطوقك من لسانك

واقبلتلك مندفع من كل وجداني

ماكنت افكر يجي في يوم نسيانك

وانساك وانته معاهدني ماتنساني

الابعد ماقريت الكذب فاعيانك

حاولت اواعدك وانسى كل ماكاني

خلاص ماني بمتعني على شانك

ودعتك الله وتلقى واحد ثاني