وجيتك يابحر فضة بلهفة عين مذعورة

تلاطم داخلي موج الشعور الازرق المغرور

هجرت الناس والعالم وجيتك روح مهجورة

ادور بين طيّاتك جديد الخاطر المكسور

هدوءك ينثر احساس الكلام ويربك سطوره

وانا اللي ماضمنتك يوم على كثر الشقا مشكور

مراكب تختلج صدرك وشمس الظهر بلورة

تسر الناس بارزاق الولي وبراحة المنظور

تشيل هموم زوارك ولااحد شال لك ثورة

ويلومونك اذا احد غرق في جبتك مجبور

حفظت اسرار عشاقك وراحت عنك مستورة

حدتهم زحمة الايام .. والروتين .. والمكرور