استكشف
دخول
على مين على مين على مين

على مين يا سيد العارفين

على مين

بتبيع الحب لمين

أه لمين

ان كنت جاى تغنى

روح اسأل أبله انا مين

ما تروحش تبيع المية

ف حارة السقايين
ياما لك ف الحب ضحايا

بيحكوا عنك روايات

بيقولوا انك بتألف

ف الليلة سبع غنوات

والغنوة الواحدة ف ليلة

تلحنها سبع مرات !!

وتروح تانى يوم وتقولها

بحنان ودموع وأهات

ان كنت فاكرنى منهم

روح اسأل أبله انا مين

ما تروحش تبيع المية

ف حارة السقايين

سيبك م البحر اللى انت

غرقته نار ودموع

والامل اللى انا طمعته

وخليته يموت م الجوع

والليل اللى مالوش آخر

والقلب ابو شوق موجوع

سيبنا م الهم ده كله

نتكلم ف الموضوع

العشرة عايزة ضمان

وبوليصة للتأمين

اكتبها لقلبى بنظرة

تتقال من غير تلحين

من غير ما تشيلها وتمشى

ف حارة السقايين !!

ما فيناش حاورينى يا كيكة

ما فيناش لف ودوران

ما بقاش فى وقت يا روحى.

للشكوى والهجران

لك ماضى كله سوابق

ف الحب مالوهش امان

وانا عايزة حب حنين

مش حب يودى لومان

انا عمرى ما احب الخاين

ولا احب الكدابين

ما تروحش تبيع المية

ف حارة السقايين