ما صدقش قلبي إني هعيش في بعادو وأنا مجروح
قالي هيمشي وقلت يمشي هيجرى ايه يعني
ما نعرفش قيمة الحاجة إلا يا قلبي لما تروح..
وعرفت قمتو لكن خلاص ما بقاش بيسمعني
في حب عادي بيتنسي وفي حب زي الروح..
ما أعرفش أنا ضيعتو ولا الحب ضيعني
ما حاستش أبدا بالسعادة يا قلبي بعدو في يوم..
باين عليا الجرح مهما بداري وبخبي
ومش فارقة مين فينا اللي ظالم ولا مين مظلوم..
أصل النهاية هيا هيا حبيبي مش جمبي
صدق اللي قال إنو مافيش في الدنيا فرح يدوم..
وأهو خد معاه ضحكة سنيني وخد معاه قلبي
أنا كل ما أجي أحاول أنسى أفتكرو وأنا بنساه..
وتعبت من وجع الفراق وتعبت من دمعي
خد كل حاجة حلمت بيها وهو ماشي معاه..
ما أخدش ليه طيب كمان جرحي وخد وجعي
ما أنكرش إن أنا طبعي قاسي وكنت صعب معاه..
لكن إني أنسى وأخون هواه أهو دا اللي مش طبعي