{لجة بحر !!

{الموج كبار .. الريح شديد .. والدنيا ليل !

{طوق النجاة

{في بطنوا مطلوق الحبل .. !

{شاطئ الحياة

{لا بان ظهر .. لا هادي ليهو .. ولا دليل !

{عصفورة ما بتعبر محيط !

{وانا شايفو تامن المستحيل !

{طير الرهو

{ليه تشيل عصيفيري الجميل !

{عند الغروب

{ليه يا رهو ..ساعة الاصيل !

{يسكن جناحك منفرد !

{وتطوف علي وادي النخيل !

{ليه يا رهو

{ذهر الخميل ..تقطف مياسم روعتو !

{وبشيش تشيل !

{تخلي ساحات الغناء !

{مشدوهة بين نايحة وعبير !

{بحر الصبر

{طال يا رهو .. زمناً طويل!

{وانا في انتظارك .. فوق جمر !

{عايش عليل !

{ما ليا غير

{انظر واعاين في الافق !

{مترقب العود الجميل !

{بعد الرحيل !