اكتشف الجديد دخول
نص القلب رسمت له

ع الورقة وبعت له

"شو تعليقك ع الموضوع"

بكعب الصفحة كتبت له

كفا بإيدو رسم القلب

وصور قلبه حد القلب

وقال لي

"ال بدو التاني يحبه

بيرسم له قلبه كلو"

تكرم عينك يا محبوب

قلبي وروحي وعينيّ

أنا قلبي باسمك مكتوب

لكن مش حاسس فيّ

عن قصد رسمت لك قلبي

ناقص عنّك، مش رح خبّي

نصّه داب بليل الغربة

ونصّه التاني بمحلّه

لا تزعل منّي وتصير

تحاسبني وتعلّمني

حبّي لقلبك حبّ كبير

يكفي، حاجي تظلمني

مين قال لك ترسم قلبين

تحسب إنّه نحن اثنين

خلّينا قلب بنصّين

عن بعضن ما بيتخّلو