أبشرك قلبي نساك أبشرك

دنيا هواك كل على حاله أمير

خلك مع إلي بالمحبة غيرك

وأنا لي يالله عالم بحالي وخبير

غدرت بلي كان وفي وقدرك

ما عاد بالدنيا و لا الأيام خير

أشوف بقلبك للوفا ما نورك

ما أصعب على الدنيا مثل موت الضمير

يا ما ويا ما في وعوده سهرك

كل الذي قاله ولا واحد يصير

بكره تشوفه لين غاب وحيرك

تبكي على جظك يحب إنسان غير

عذبتني لا جيت يوم ازاورك

انسى الهوى واجامل إحساسك كثير

ودي ألاقي لك عذر أعذرك

و أجاملك وأصبر على الجرح الخطير

باقي الهوى عندي بقايا تذكرك

سر الهوى كلمة عالسطر الأخير