زمجر يا بطل الابطال
جبينك عالي ومابينطال
علمهم فنون الحرب
وشعل ساحة القتال

بل بارودة ولسلاح
ترجع خايب ياسفاح
هي أرضي وأرض جدودي
رح تتدفع تمن لي راح
________________
ونعلي راية بالعالي
نكسر جيش الاعادي
رجعت سوريا حرة
محلا ترابك يابلادي
______________
لمعتدي بارضي طاح
محمل على ضهرو راح
ياوطني خيط لجراح
وياشهيد بجنة فراح
______________
نهزو هز نهزو هز
للعدو نهزو هز
ناصرنا الله وحامينا
ونحنا جبال وما مننهز
______________
يا داري يادار الكرم
لأرضك نحنا راجعين
أحنا ثوار وفرسان
ولسما راسنا رافعين

سوريا عرجالك دلي
بتوب لاخضر طلي
مابيرخص دمعك ولله
جبينك لسماء علي
______________
نهزو هز نهزو هز
للعدو نهزو هز
ناصرنا الله وحامينا
ونحنا جبال وما مننهز
______________
انا سوري وشايف حالي
وشمسك سوريا قبالي
بيرخصلك دمي وروح
ومن بعدك مافي غالي
__________________
ياسمين الشام تنادينا
سوريا الحرة لاقينا
لعيونك شتاقينا
تفداكي الروح لي فينا
______________
نهزو هز نهزو هز
للعدو نهزو هز
ناصرنا الله وحامينا
ونحنا جبال وما مننهز
______________
سوريا شعبك منصور
وحبك بقلبو محفور
ولجرب يكسر فيكي
طلع من عندك مكسور

سوريا بشعبا وروحا
ماعاش لي يرقص عجروحا
بضلوعو بعمل حفلة
وبخلي دعوة مفتوحة
_______________
نهزو هز نهزو هز
للعدو نهزو هز
ناصرنا الله وحامينا
ونحنا جبال وما مننهز