الجهل بيني و بينك طايح سوره

من مر الأيام صارت عندنا خبره

ما دام عينك من اللي صار مكسوره

أجمع شموخك و خفف حدة النبره

لا شفت وجهك ليا غيرته الفوره

أشوف قلبي ليا من مل من صبره

يآخر مبالاة قلبي و اول شعوره

شفلي سنع في غلاك و شوفلي دبره

خليت نفسي من الايام مقهوره

و خليت حالي لمن لا يعتبر عبره

غديت في دنيتك يمهدي الفوره

في روضة خريم مثل مضيع الأبره

خلصت ما عاد أقاوم صدك وجوره

القلب قرب يموت و غيبتك قبره

فراقك العام تكفا لا يجي دوره

صرت احسبله و فكر فيه و أعتبره

ماني بناسي هذاك الطيش و غروره

يوم أنك أخلت ظن فيك وش كبره

و أذاك ناسي تراها عندي الصوره

أقفيت تضحك و أنا غصتني العبره