ياغايب عني ترا للمطى لوم

لا شافتك عيني ولا جبت طاري

بسأل كثير الصبر يمكن تجي يوم

تلفيت انا الشكوى وانت بالحال داري

لك هاجس الذكرى سرق عني النوم

ما ودعه فكري ولا عنه ساري

يسكن خيالي عشق ما يرتحل دوم

موقد براد الروح من شوق ناري

وقفت خطاوي ملها درب محروم

متى اشوفك والفرح لا مواري

قضت سنين العمر بالود مهموم

وحمل خفوقي سري واحكي واداري

باصلك كلي منكسر بالجفا عزوم

واعلن عليك الشوق بالحب اباري

بسعد معاك ولا بقى للعتب لوم

ون شافتك عيني فلا جبت طاري