راح الميعاد وزماني راح

والجرح لا نام لا استراح

لكني متكتم عليهو

انا من جراح احي الجراح

يا قلبي ما تسهر معاي

ما اظن يفيدنا الإنتظار

عديني في روضة هناي

سكت النغم سكت الكلام

جفت الورود الامنيات

يا حليل زمانو الإخضرار

يا حليل حبيب كان ليا نور

كان ليا ساعة الغربة دار

يا ريتني لو بقدر اعيد

لحظات من الماضي البعيد

واهدي الزمان كل الحنان

واكتب بعمري ربيع جديد

لكن رجعتا وقلتا ما بفيدني

احلم ما بفيد

تلقاني بين الناس هنا

ونحن في حقيقتي هناك وحيد

يا حليل ليالنا المضت

من غير اماني تنورا

يا غالي يا امل الحياة

ومعنى الصفات النيرة

طول البعاد ما اظن يفيد

امالي فيك ما بغيرا