اخلاقي اللي تقودك يالسهر صوبي

والا انت اعرفك عديم احساس متصابي

مانلت عيني عبث جابتني دروبي

يمك وخيرك سبق واستوطن اهدابي

يادوبي أقف على اول عمر يادوبي

واسع سماي استضاق وضاقت رحابي

دورت بك عذر لجل اهديه محبوبي

عذر الظروف ان تزايد قلوا احبابي

المشكله مانت لي لو قات مطلوبي

نسيت وجه النهار وليتك ادرى بي

مرت علي السنين وكثرت ذنوبي

فقدت نفسي واذا احد(ن) غيرها مابي

قل لي اش تبي وابشر بزادي ومشروبي

دخيل عالي شقاك اللي تمخلابي

شف لك احد غير عيني وقل لها توبي

تكفى... ولاقلتها لغيرك من اصحابي

انا ذبحني حياي وفاضي جيوبي

والا انت عندك بديل ان همت بغيابي

عطني رقادي وشف وش كثرها عيوبي

و اوعدك مابي عناي ومابي اتعابي

مليت من خوتك واشتقت اجي صوبي

الحلم نادى علي وفاحت اطيابي

العالم الله كأنك يالسهر ثوبي

انزعك والقاااااااك واقف لي على بابي