تعمل ايه

لو كنت مكانى وفجاه حبيبك هنت عليه

ترجع ليه

وتحنله تانى ولا تسيب النار تكويه

لو فى مكانى هتعمل ايه

كل ماتبنى فى حلم يهده

كله ما تفتح باب بيسده

كل ما تيجى تقرب منه يغدر بيك ويخالف وعده

قد ما ياما سقيته حنانك

قد ماباعك قد ما خانك

كل ما تمشى وتبعد عنه يرجع يحلف انه علشانك

وتحس انك مخدوع فيه

تعمل ايه

لو مش قادر يوم تنساه ولا قادر على الرحله معاه

خليك فاكر دايما انه اول حب تقع فى هواه

كل ما تنسى وتفتح بابك

يقس ويحلى لقلبه عذابك

تحضن دمعة عينه وهو وسط النار بدموعك سابك

وانت الاخر سمعان ليه

ولا خدتش اكتر ما اديت

عمره ما حس بجرحك مره وانت لكل جروحه داويت

تعمل ايه

وانت مصدق كل كلامه

وبيرسم قلبك احلامه

متصورتش انه يسيبك وسط الموج تغرق قدامه

لا غدر قلبك يوم ولا خانه

واتحديت الدنيا علشانه

فاكره هواك ودواك وحبيبك راح ورماك فى بحور نسيانك

معرفتش بيبيعك ليه

تعمل ايه

قلبك ماشى السكه وخايف

مش قادر يرجع مش عارف

غدر وكدب عنيه كان باين بس انت اللى مكنتش شايف

هو بيضحك على احلامك

وبيسرق اجمل ايامك

مبقاش فاضل ليك غير جرحك ودموع الاحزان والامك

رد ليالى الخوف والحيره

سيبت مشاعرك عنده اسيره

اتريك كنت خيالى وعايش وهم وخداع وكدبه كبيره

تعمل ايه