خلّيك عنّي و عن قلبي الواله

يكفيك إنّك ف الهوى حطّمت آماله

كل ما هدا لفّيت به لفّك بمحياله

و عبرت به في ليل

يا ويل المولّع ويل

حتّى م نبقى على هذي الحاله

أجاملك دايم و لا شي منّك جماله

بيني و ما بينك دخل إبليس و عياله

لفّوا عليك الذيل

يا ويل المولّع ويل

الحب كالغصن لا ظلّلك بظلاله

يبغى عنايه كامله ما يجوز إهماله

و فوق ذا أمّا صلح و دنّت خياله

و إلا جرفه السّيل

يا ويل المولّع ويل

مسكين قلبي من الهجر يرثى له

و من الظّروف القاسيه إنته تباها له

الحب هذا فوق ظهري ثقلت أحماله

أمشي بحملي ميل

يا ويل المولّع ويل