من إمتى كان فارق معاك كلام وبيأثر
وقولى أعمل تاني إيه وإمتى هتقدر

خسارة فيك حتى العتاب شكراً كده كفاية
إنت اللى زيك يتنسى بسرعة مش أكتر

لو اتسألت عليك هقول حكاية ونسيتها
ووقت ضاع من عمري راح وفترة عدتها

من قلبي بحمد ربنا على إنها خلصت
أيامى جنبك كلها ولا عمري حبيتها

كان عقلي فين وإزاي خدعت عيوني فيك
شوفتك ملاك وماكنش عمره يبان عليك

إنك بتكدب والحقيقة إنك أنانى
واللى يحبك عادى بتبيعه بإيديك

كان عقلي فين وإزاي خدعت عيوني فيك
شوفتك ملاك وماكنش عمره يبان عليك

إنك بتكدب والحقيقة إنك أنانى
واللى يحبك عادى بتبيعه بإيديك