مستغربة من ناس أذوني

ناس شافوني، شافوني واحدة طيبة

مستغربين اكمنّي واحدة دموعي ليها قريبة

بسرعة اصدق أي حد، وبسرعة برضو يضرّني

كان نفسي أقابل ناس بجد من قلبها بتحبني

مستغربة

انا هتغير علشان اعيش

طيبتي أذتني منفعتنيش

كنت بريئة وعلى نيّاتي

سبت الناس تدخل في حياتي

من غير ما اعمل بينّا حدود

بس خلاص ضحيت بزيادة

أنا في الطيبة دي مش هتمادى

ولا هستنّى تاني وعود

بسرعة اصدق أي حد، وبسرعة برضو يضرّني

كان نفسي أقابل ناس بجد من قلبها بتحبني .. مستغربة