ابوس الشيب البشعرچ
وارتاح آمن أشم عطرگ
أمي ياحنان الكون
الله يطول بعمرچ
غير الغالية انتي
إلي بلگلب عشتي
صحتچ عندي تسوة الكون
فدوه تروحلچ صحتي
تبقين انتي الأولى والأخيرة بگلبي تبقين
يايمة انتي خيمة وبوجودچ تحله السنين
أبويه الماشفت مثلك
عمر عايش تحت ضلك
ياصاحب فضل وياي
أبد ماينسي فضلك
انته هيبتي وستري
ألك ممنون كل عمري
إذا بية الزمن يندار
بيك أنه أشد ظهري
ممنون إني منك ياحبيبي هوائه ممنون
يلناذرلي عمرك بيش اعوضك حاير شلون