غيرك بقلبي ما سكن شخص ثاني .. وما رام قلبي في غيابك يخونك .. ميناك قلبي و وانته ليه مواني .. ارسي على بحرك و اهيم بفنونك .. عانيت منك و انته مني اتعاني .. اشكي فراقك و انته تشكي شجونك .. حبك حبيبي في الضماير تواني .. كل الجوارح تشتكي من طعونك .. لو باختياري ما افترقنا ثواني .. ولا عشت لحظه يا حياتي بدونك .. الحال عقبك صار ناحل و داني .. لو شفتني بتسيل دمعة عيونك .. في غيبتك اشرب مرارة زماني .. قلبي وعقلي من العنا يشتكونك .. يبغون منك عطف ولا حناني .. عطف المحبة يعل ربي يصونك .. اتممت حبك و استحل بكياني .. ولا اقدر اعيش العمر لحظه بدونك .