كفايه كم تغليتو علينا

كفايه وش كثر منكم شقينا

جرحتو قلوبنا من دون معنى

رغم كل الحنان اللي عطينا

حسبتونا عليكم ما نتغير

نسيتو دمعنا اللي قد تحدر

للأسف جرحي معاكم صار اكبر

هدم كل اللي في حبكم بنينا

تغربنا عن الفرحه معاكم

وذبلت وردة العمر في هواكم

هقينا في البشر محدن سواكم

يساوي قلوبنا لامن بكينا

هقينا حبكم غيمة سعاده

مطرها يروي القلب وزاده

ولكن ظلمكم طول زياده

خلاص الحين احنا اللي نسينا