استكشف
دخول
يا المعاك ضاعت سنيني

كنت فاكر يوم أصل

سيبني للأيام بسيبك

لو بيرضيك الحصل

☆☆☆☆☆☆☆☆☆☆☆☆

عشت من بعدك ليالي

في بحور الصمت حاير

قلت فيك أجمل قوافي

أيقظت صحو الضمائر

لو بيغروك العوازل

بكرة ما اﻷيام دوائر

ياما تجنيها الندامة

لما يتلاشى الأمل

☆☆☆☆☆☆☆☆☆☆☆☆

ياما كنت حنين موافي

عشت بيك حلمي الجميل

ما كنت قايلك يوم تجافي

والنهار يطويهو ليل

قلت فيك أجمل قصايدي

وعشت بيك عاشق نبيل

وراحوا أغروك العوازل

ما جنيت غير الفشل