اكتشف الجديد دخول
يابو حمد

يابوحمد قلبي جريح ومخطور

مافادني دكتور لندن والالمان

عله ضميري خافيه ماتبي شور

ودواي عندك وانت للروح سلطان

أنا بشوفك يا اكحل الطرف مفتون

ودي بساعه اجلس معك في وسط بستان

لاشفت زولك صرت يازين مسرور

ولا غاب زولك ولع القلب نيران

أبو جدايل فوق الأمتان منثور

والوسط ملفوف تقول عود ريحان

مشية دلع بالهون ماهو مغرور

ممشى الغزال اللي ربى وسط شعبان

لا تجعل الخاطر ارجوك مكسور

يللي تلفت الروح يانجل الأعيان