ياعين هجرتي النوم عدة ليالي

من عقب خلي فاقد العقل مغبون

ضيعتني ياقلب مالك الوالي

حار الدليل وقمت تمشي على هون

هذا مكان صويحبي وحلالي

وهذا مكان اللي عساهم يريحون

هذا مكان بويتهم والحبالي

هذا مكان رحاتهم يوم يرحون

ياحسرتي دنو ظهير الجمالي

وأركيت راسي يوم قامو يشيلون

اقفو مثل غيم ن حداها شمالي

يم الحماد ويم ديره بهالكون

الله يبلاهم بقوم الرهالي

خلايق من كل مرقب يطلون

ياخذ جميع طروشهم والحلالي

واشوف واجد ناثره الراس وقرون

وهناك تنخاني بنت الحلالي

واقول عندك يابعد كل مزيون

بطيب ابوكي يظربون الامثالي

شيخ ن يقط الراس من فوق المتون