ليٍّه أذﮔِرڱ ﮔِل مَا غنّىَ أبُو نُورِة ../ و أبَكيڱ ﮔل مَ يغنّي يمّڱ درُوب

يآخذني الشُوق يمّك وأنشد الصُورة

الصُورة اللي ألاقي يمّها هرُوبي !

أشكيكّ وأحكي معك عن بُعدك وجُوره

يمكن يكون الخطَآ فيني وب إسلوُبي ،

أدري افترقنا / وكلٍّ لملم شُعوره ،

بس أنت لا زلت مطلوبي ومحبُوبي

غيركّ على كثر ما هو آسر حضُوره

مَ حرّكُوا بي ، ولا ودّوا ، وجآبُوا بي

أحتاج لك ، والكلآم ب حاجتي عُورة

وأنا الوفآ والخجل والطيب عذرُوبي

من كثر شُوقي أحس بدآخلي ثُورة

بجيكّ بس عزّة النفس أكبر عيُوبي

مَ يطلّع الروح وإلا القلب عن طوُرة

إلا لا مرّيت صوبي وأنت مو صوبي

أبسألك ليه عاف الغصن ، عصفوره

وأبسألك وين طآرُوا بك وطآرُوا بي

خنقتني شعر / والأقلآم ، مكسُورة

لا شفت ظلمك معآي أستصغر ذنوبي

حزينْ ، وليا اسألوني قلت مستورة

للحين أحبكّ / وكل الناس يدرُوبي

ليه أذكركّ كل ما غنّى أبو نُورة

وأبكيكّ كل مَ يغنّي يمّك درُوبي !