اكتشف الجديد دخول
ياما في الحبس مظاليم

فى وسط النفاق و الطمع

طلع الجدع قال كلمته هى دي كانت تهمته

ورا القضبان اتشد و التهمه كلمة حق

قالها من قلبه اللي مات و محسبش الحسابات

باع الدنيا و ما فيها محلتوش حاجه يبكى عليها

لكن فى ارض النفاق كالعاده يكسب الكداب

و ياما فى الحبس مظاليم .. فى الحبس مظاليم

يا ليل يا ليل ياعين .. يا ليل يا ليل ياعين

صحى من نومه .. و ابتدى يومه

راجل غلبان شايل همومه

يوماتى بيجرى .. على رزق عياله

و الدنيا غدرت بيه يصعب على الكافر حاله

و من الاحتياج مد ايده .. حبسوه و سابو سيده

عمرك شوفت حوت فى حوض السمك محطوط

و ياما فى الحبس مظاليم .. فى الحبس مظاليم