‎تغيرت وخذاني الوقت ولا بس انت تتغير
مثل ما انتا نسيت آنا اكيد انساك تلقائي
تبي تنسى على كيفك ! وتطلب مني اتذكر
نعم اذكر قسى قلبك وم انسى لحظه اقصائي
ب عز ماكنت محتاجك ب عز ماكنت ما اقدر
ب عز ماكنت امد ايدي وصدرك يرفض ايوائي
وانا اشوفك مثل غيمه اعاتبها عسى تمطر
وانت تشوفني لاشيئ واشوفك كل اشيائي
واراضي فيك من قلبي وانا مالي خطأ يذكر
ومن قلبك تزعلني وتتغاضى عن ارضائي
وتدري وش يعل القلب ويحرق دمي ويقهر
اقدم لك واسوي لك وغيري يخطف اضوائي
عشقتك ايه وحبيتك وليه اتحايل وانكر
انا ماكنت اعرف الصح لولا كثره اخطائي
واذا بيطول موضوعك واذا موضوعك بيقصر
انا شلتك من عيوني ولا بيتغير اجرائي