تزف لينا خبر زفاف قايلنا نقدر نجهلو

قايلنا نتعذر نغيب ونشيل عذرنا وتقبلو

حاشانا ما بنجهل حرف من زول طرانا ورسلو

حاشانا يا سيد القلوب يامنبع الشوق الحلو

ونلم خطانا عشان نجيك نبدأ العمر من أولو

وتزف لينا خبر زفاف برقة لينا تسطرو

وتكتب سطورك بإشتياق تتمنى عاد كان نحضرو

وتختم سطورك بالدموع يابسنا بيها تخضرو

يا سيدنا كيفن ما بنجيك كيفن ودادنا نودرو

كيفن نسيبك للدموع فوق الخدود يتحدرو

وتسيل دموعك بعذاب فوق العيون يتحكرو

يذكروك بناساً عزاز صانو المحنة وقدرو

والليلة جوك بي وشاً سمح في يوم زفافك بدرو

شايلين زنابق من حروف أهدوها ليك وكترو

وما بخلو بي دمعة وداع ساعة الفراق إتحيرو