كرامة المصرى تسوى عنده كتير

نفسه يرجع كرمته والفساد يطير

شهر يناير يوم 25

اعظم تاريخ ثوره مصريه على مر السنين

شباب رفع رأس مصر لفوق

مش لابس طوق

عاوز حقوقه الشرعيه وطلبها بكل زوق

خدلك لفه ولفلف فى ميدان التحرير

هتلقى وشك ابتسم قلبك قرب يطير

شباب فهم معنى والوحده اتحد عمل تغيير
قيمة المصرى النهاردة بعد الثوره اكبر بكتير

متخفيش يا بلادى فى عز المحنه أتحامى فينا

احنا ولادك رجاله نحطك فوق روسنا وفى عنينا

جدى وجد جدى استشهدوا فيكى بيحموكى

مش ممكن احفادهوم يجوا فى يوم ينسوكى

واقفين زى الاسود أيد واحدا لجل يحرروكى

فى منهم الى استشهدوا وبدمهوم فادوكى

شكرا لكل شاب قال رأيه من غير ما يخاف

رجل من ظهر راجل خلى العام بص وشاف

طول ما فى فراق وفتنه هضيع الحقوق

شوف أول ما اتحدنا أيد واحدا بقينا لفوق

مسيحى مسلم مثقف امى غنى فقير

ضموا كل هتافهم فوق بعضه أتحول زئير

حتى لو محققناش كل المطالب برضه كسبنا

كفايا أن العالم كله عرف مين أحنا

ماهى الرجوله والاخلاق متبنش الا فى المحنه

كل البيوت بقيت بيت واحد والله فرحنا

كرامة المصرى تسوى عنده كتير

مش عاوز ظلم وذل وأهانة

عاوز تغيير

بلده عنده زى عرضه يخاف عليها يغيير

نفسه يرجع كرامته والفساد يطير

بيطالب بالتغيير أيوه عاوز تغيير صابر

لكن لو أنفجرت هكون سلاح خطير

كرامة المصرى تسوى عنده كتير

مش عاوز ذل و ظلم واهانة

عاوز تقدير

بلده عنده زى أرضه يخاف عليها يغير

نفسه يرجع كرمته والفساد يطير

بيطالب بالتغيير أيوه عايز تغيير

صابر لكن لو انفجرت هكون سلاح خطير

لو نزلت ميدان التحرير هتلقى دوله صغيره جوه الدوله

دوله لو حد فيها خبط فيك هيقولك أسف

ولو حد عايز يعدى هيقولك بعد اذنك

ولو حد عايز يشوف بطاقتك هيقولك

معلش احنا مضطريين

تسمع فيها كتير حاسب علشان البنات تعدى مفيش فيها معاكسه أو تحرش

لما المسيحى بيصلى المسلم بيحمى ظهروه ولما المسلم بيصلى المسيحى بيحمى ظهره

هيا دى مصر الى احنا عايزنها