ما عدت قادر انتظر

سامحني غلطان بعتذر

ما كنت قايل من عتاب تحكم علي ّ

بالوحدة والشوق والعذاب

انت القبيل شلت الصعاب

في دربو عديت ألف باب

لو انت زهو الحسن في عيونك بدا

خليك أمين في العشرة لي آخر مدى

كيف تنسى لهفة قلبي ليك

تنسى الحنان الكان لديك

لو مرّ اسمك في البعيد شايلو الصدى

بلّ النسايم الحلوة بي قطر الندى

تلقاني واقف مرتعش ضارع إليك

عارف تمام ده المستحيل

الحُسن والطبع النبيل

يغضب يجور

لحظات خصامو المُره تتمدد شهور

صدقني لو أغلط معاك دايماً أقول

انت الأصيل انت الوفي

عن حبي ما ممكن يميل

يضحك سلام الدنيا في عيونك دليل

من بعدو ما داير دليل

يرضو غلطان وبعتذر