عملت قلبك بيت واختارتله ملاك
واللي انت سكنتهم حبوا الجميع إلاك
ياللي انت حظك فراق معلش لو نسيوك
م انت زمان سبتهم مع إنهم حبوك

يا ملاك بنص جناح هتطير لفين ولمين
الارض مش سيعاك ولا سايعة بني ادمين

فطرتها ع الحب إحتاجتها صامت
فضحكت يومها بصوت وبكيت بكا صامت

عملت قلبك ورق وكتبتهم عناوين
رفضوا الغنا وياك واللحن لسة حزين
حظك وكان مكتوب تمشي الطريق مجروح
هتحب بس ازاي لو كنت ناقص روح

يا ابو قلب لسة وحيد تشكي لمين الحال
الصبر تقل الهرم والهم علو جبال

فطرتها ع الحب إحتاجتها صامت
فضحكت يومها بصوت وبكيت بكا صامت