حاولت احسبها ميت مره عشان اعرف وصلت لايه

ليه كل اللى حبتهم ماعملوش اللى قالوا عليه

لا لاقيه جواب لاسئلتى ولا برتاح من التفكير

ودايماً يغلطوا لكن انا اللي بسدد الفواتير

ميزان الدنيا ارض وجو بينزل يوم ويطلع يوم

ويا تسلم لضعفك او تحاول مرة تانية تقوم

وانا اللى حياتى خليتنى اشيل اوجاع واخبيها

كأنى عايشة فى الدنيا يدوب ضيفة شرف فيها

ليه انا لا نزلت محطتى ولا دي شخصيتى ومن يمين لشمال

ليه كده بنخبط كلنا ومحدش مننا ثبت على حال

بناءاً عن ظروف جدت مشيت مضطرة عكس السير

ودرس الشر علمني احس بمعني كلمة غير

وجوه الارض بتدارى جواهر ياما مش بتبان

عشان نلمسها بأدينا لازم ينفجر بركان

مفيش جوايا غير احساس بخوف

ويبقى النور قصادي ومش بشوف

بتتغير فى قلبي حاجات كتير

لما بيسألونى بقول ظروف

وليه انا دايماً متخبطة قلقانة ومحبطة وقلبي حزين مخنوق

وليه كده دايماً متألمة مش طايلة سلمة تاخدنى لفوق