..اخر وجه..

حررت گلبي الغرامك جان محتله
يل وجودك ماارغبه و فركتك سهله
ضيعت نفسي بطريقك بعد ماكمله
و بصراحه من تركتك كلشي صار احله

ليش اشتاك لعيونك
ما ناقصني شي دونك

اخبارك و لا تهمني
ولا اريد اعرف شلونك

حبك منسي .يل مو وفي...يل ماكو منك خير
شكد اهتم جنت...شكد قدرت...بس مو وجه تقدير

تم حذف حبك للأبد
و الينحذف مايرجع

شمتوقع ارجعلك بعد
نصيحه لا تتوقع

لك لو تضل اخر بشر...تتحلم تهمني
قل حبي من غدرك كثر...ضل هيج خاسرني


اني ب احسن حال بعدك لا يضل بالك
ولو تشوفة شلون حالي تگول هنيالك
وادري بيك بدوني ضايع محد بحالك
يلا اخذ هذا جزائك من ورة اهمالك

طحت من گلبي وعيوني
يل ماجنت من لوني

جرب ذلة الدنيا
من اتعيشهه ابدوني

بعد لاتعتقد...وياك ارد...لو مدري ياهو اتصير
حبك مختفي...وشي منتهي...وسويتلك تغيير

اصلا وجودك شي غلط
لمن رحت صار الصح

نعمه اني من ايدك طرت
عاتبني اذا شي تربح

وصلت نفسك مرحله...يرثا لها جدا
اخر وجه اشتاك اله...وجهك نسيته اصلا