فرشة صاحب السعادة، معروف في السوق يا سادة

أسعار من غير زيادة، ورجعنا لزمن الرخص

أنا مش بابيع غلاوة، في فصال وفي نقاوة

مين قدك في الغلاوة، أفتح شنطك ورص

بص بص بص، مين قالك تشتري

قرب حمل ورص، لا مين شاف وللا مين دري

خد مني حتة حتة، شيل ده أبو ستين ب ستة

دي بضاعة ناسها غايبة، ملهاش صاحب وسايبة

محسوبة لصاحب التمة، مبضيعش الفرص

دي بضاعة أخر نقاوة، عبي وليا الحلاوة

شيل وأخلع بالهداوة، من غير ما الناس تحس

حمل كل اللي باقي، وفرصة وفي حد لاقي

شيل في الشيفت المسائي، والدُنيا هص هص

متكبرش الحكاية، مين هيدور ورايا

ولا وراث من بابايا، أوعى تفكرني لص

مولد وصاحبه غايب، والغايب ما له نايب

ما هوه سايب ماله سايب، وبيرجع يتقمص

براحة وتاتاتاتا، هنسيبها عل بلاطة

بيعه في غاية البساطة، سيبلي الموضوع ده بس

متخلي عينك قوية، دي الحاجة دي ليك وليا

حد يرد الهدية؟ يا عم بس بس

أنا بيعت هناك وهبيع من هنا

زعلان مننا، إعمل زينا

الدنيا ربيع، والجو بديع

على قد ما تقدر بيع

شلكنا معروف،وشنا مكشوف

عيني عينك، وإللي يشوف ما يشوف

ولا في عند إللي جابونا كسوف

وإللي هينطق هيضيع